#Thoughts

#HappyNewYear

GHUNGHAT

"..Aaj bhi mere desh mein vo, ghunghat mein ghutt ke roti hai,
Is haiwaano ki duniya mein, bs hoti hai sab khoti hai,

Is desh mein arbondaar bade, is ghungat ke khareedar bade,
Naa udd sakti pankho se vo, uspe ghungat ke bhaar bade..

Jo pyaar hi paati thi bitiyaa, Ghunghat me saare pyaar mare, 

Jo kisi jagah ki raani thi,  Ghunghat me aake daas bane,

Naa dekh saki sapne thi jo, un sapno ke aakaar bade,

ghunghat me ghun ke reh baithi, yahan riston ke to daar bade,

Jo ek paheli hoti thi, sabki saheli hoti thi,

khil khil ke jo jab hasti thi, aur badi sharaarat karti thi,

Use ghunghat waale baandh gaye, ik pal me "par" vo kaat gaye,

Gairon ki kyaa baat kahon, Ghunghat apnon ne daale hai,

Khaamosh kiya tha ghunghat me, ye haath unhi ne thaame hai,

Is maryaadit se desh me to vo, Ghunghat me ghutt ke roti hai,

Is haiwaano ki duniya mein, bs hoti hai sab khoti hai,-2.."

Kim_Punjabi P.J. 

-Kim_Punjabi P.J.

Pal

".. Mein tutt gya tha us pal se,.. jis pal se, palke bhig gayi..;
.. mein ruth gya tha us pal se,.. jis pal vo tanhaa khoob rahi;

.. Mein aawara hon aawaara,.. mujhe pal ki palkon me naa le;
.. mein furrr kar ke uddd jaunga,... us pal ko khooob sataaunga;

.. tu aankh ponch le 'O' pagli,.. us pal ko naach nachaunga;
.. bs pal bhar ki to, hai ye baat,.. pal pal mein use sikhaunga;

.. ik pal to ab muska de tu,... Palkon se bojh hataade tu;
.. mein banjaraa hon banjaraa,.. bs pal bhar mera thahrava,

..mein aankh moond ke aayaa hon, pal bhar me aankh chupa lunga,
.. tu matt rona fir us pal mein,.. us pal mein me mil jaunga,

.. bs haath khol ke keh dena,..
..ye pal tha, pal jo, pal bhar me,.. pal, pal ab yaad to aayega,"

-Kim_Punjabi P.J.

"Un-hone hans ke, hume taal diya"

"un-hone hans ke, hume taal diya,
humne apne pe, gussa jhaad diya,
vo jeet gaye, mein haar gya,
vo bhor hue, hi vaar hua,
kyaa kaal hua, mahakaal hua,
ye akaal hua, behaal hua,
sab baat hui, shuruaat hui,
aur baaton ki barsaat hui,
vo haath gaye, aaghaath bhaye,
kya kehna ab to saath gaye,
samvaad gaye, apvaad gaye,
sangharshon ke abhishaap gaye,
vo saaf gaye, hum haamf gaye,
vo haara mann naa bhaamf gaye,
vikhitarr hue, chalchitarr hue,
vo mitarr hue, ik pal me hi vo itarrr hue,
vo aag jani, jan bhaag jani,
jal jal ke ab ye laaj jani,"

- Kim_Punjabi P.J.

Aaj fir puch baitha me, apne mukadaar se

" aaj fir puch baitha me, apne mukadaar se..
"kahaani itni hi muskil thi.
to suruaat kyn kar di",
kaha ruk ke mukadar ne,
"kyn itna bikhrtaa hai, kyn itna bifartaa hai,
kahaani aajmaale tu,
muskilen paar hoti hai,
thoda saa hosaala rakh le,
kahani saar laayegi,
agar tu uspe tikka hai to,
vo tujh pe tikk hi jayegi.
mukkamal ho hi jayenge,
ye saare faasle tere,
jawab khud hi aayega,
bs kayam rakh hausale tere"

- Kim_Punjabi P.J.

.. "Mujhe chalne ki aadat nhi thi , Maa tune sikha diya"

.. Mujhe chalne ki aadat nhi thi , Maa tune sikha diya,
sabhi musibaton me hasna Silu, mujhko bta diya,
sab log kehte hai aas paas mere, bada ho gya hon,
lekin tune to aajbhi mujhe, daant-ke bacha bna diya,

akela hota hon, to teri yaad jo aati hai,
ik tasveer hi hai teri, meri sukhi in aankho me,
jab band karta hon to, tu fir daant lagati hai,
"pagla hai kya re, kyn aankh bahata hai,
me ho paas tere, to tu kyun ghabrata hai,"
ye sun ke meri maa, aankh fir bhar aati hai,
tu aankh dikhati hai, me fir muskata hon,
tu aankh dikhati hai, me fir muskata hon,

Maa ik waqt hi khata hon, dinbhar me mein to ab,
un tere haaton ki ,ab yaad jo aati hai,
me fir ruk jata ho, tujhe phone lagata hon,
tu kehti hai hanske,
“ kyaa aaj bnaya hai, kyaa tumne kuch khaya hai ?”
Bhooka ho meri maa, teri yaad stati hai,
Haath jal gye hain, ye baat btaani hai,
Teri hansi sunke meri maa, mera pet bhar jaata hai,
Me jhooth btata hon, ki teen waqt mein khata hon,


Bahut kiya tha tang, tujhko mene bachpan me,
Vo class bahane se, me khelne jata tha,
Kapdon ka apne jo, me haal bnata tha,
Aaj to meri maa , me kapde saaf hi laya hon,
Subah office ko jata hon, aur sidhe ghar hi aata hon,
Tu hoti agar mere paas, aaj daant nhi paati,
Silu sudhar gya mera, ye baat kahi jaati,

Bahut akela hon, koi bhi nhi sunta,
Reh reh ke meri maa, teri yaad stati hai,
Me tujhse door jo aaya hon, majboor jo ayaa hon,
Tu hi to kehti thi na maa, tu sher to mera hai,
Is jungal me par maa, tera sher akela hai,
Bas ik teri khaatir maa, me har waqt muskata hon,
Tu daant lagaane maa, mere paas to ab aa jaa,
Me fir ruk jaunga, tujhse door naa aunga,
Bas ik baar tu lene maa, mere paas to ab aa jaa,
Bas ik baar tu lene maa, mere paas to a baa jaa,”

- Kim_Punjabi P.J. (momz silu)